TIRAPU: “TITIN III.A ETA GOÑI III.AREN AURKA JOTAKE ARIKO GARA”

2019-03-22

Ritxar Tirapu ilusioz gainezka dabil azkenaldiotan. Aurtengo Sanferminetako torneoan sartu dute enpresako teknikoek eta Patxi Ruizekin batera Titin III.a eta Goñi III.aren aurkako partidaren aurrean irrikatan dela aitortu du asegarce.com-era “Torneoan sartzeak izugarrizko poza eman dit. Goi mailako txapalketa da, pilotaria gorantz edo beherantz eramaten dutenetariko bat. Bertan ondo egiten baduzu gora zoaz”.

Uztailaren 9ko partidari begira Irritsu azaltzen da Ritxar “Sanferminetan etxean jokatzen dugu eta Labriten giro berezia dago, egun handietakoa”.

Egungo binakako txapeldunen aurkako lehiari buruz zera dio Orkoiengoak “Ez gara beldurti aterako. Bikote zaila da oso. Zulo gutxi daukate baina Patxik menperatzen badu tokiak bilatzen saiatuko gara tantuak egiteko”.

Aurrekaldean izango duen aurkariari buruz garbi dauka Ritxarrek ” behartuta naizenean gainetik pasatzen ahaleginduko naiz eta pilota garbiak eduki ezkero erasoari ekingo diot”.