TENTSIO ITZELA ADARRAGAN

2019-03-22

Hil ala biziko partidua zen eta hori nabaritu da kantxan. Bengoetxea VI.ak eta Patxi Ruizek beraientzat ezinbestekoa zen puntua lortu dute gaur Titin III.a eta Pascual (19-22) menderatu ostean Logroñoko Adarraga pilotalekuan. Emaitza honen ondorioz 4 punturekin dago Asegarceko bikotea Euskadi Goza ezazu Binakako finalaurdenetako ligako sailkapeneko eta laugarren postuan dira.

Neurketak izugarrizko erritmoa izan du eta lau pilotariak primeran jokatu dute. Lauen artean Patxi Ruiz izan da distiratsuena; Lizarrako atzelariak aurkariek egotzi dioten zigorrari aurre egin dio eta gainera aurreko koadroetan ondo baino hobeto lagundu du Oinatz.

Aurre aldean erremateak non nahi egon dira eta Titin III.ak zein Bengoetxea VI.ak ez dute inongo armarik aldageletan utzi denetariko jokaldiak gauzatzeko eta publikoak disfrutarazteko. Bien artean 21 tanto batu dituzte jokalditan.

Pascualek zartako beldurgarri batzuk eman ditu Patxi Ruizi bere defentsarako errekurtso guztiak atearaziz.

Sailkapena

Euskadi Goza ezazu Binakako Txapelketako bederatzigarren ihardunaldia ikusteko zapaldu hemen.