TELECINCOK BALMASEDA ETA IRUÑAKO PARTIDUAK ESKAINIKO DITU

2019/03/22

Telecincoko Frontón saioak larunbat honetako lau t´erdiko txapelketari dagozkion Beloki vs. Patxi Ruiz eta Olaizola II.a vs. Koka partiduak zuzenean eskainiko du 18:10etatik aurrera.
Josetxo Lizartzak zuzentzen duen programak Iruñako partidua eskainiko du lehenengoz eta jarraian Balmasedako norgehiagoka ikusi ahal izango dute ikusleek.
Erretransmisio honek Balmasedako partiduen ordena aldaraziko du, hortaz, Beloki eta Patxi Ruizen arteko norgehiagoka arratsaldeko bostetan hasiko da Unanue-Errasti vs. Berasaluze VIII-Peñagarikano bigarrena izango delarik.
Iruñako jaialdia 16:45 etan hasiko da eta lau t´erdiko kanporaketa bigarrena izango da.

Pilota aukeraketa Balmasedan

Balmasedan Beloki eta Patxi Ruiz elkarrekin egon dira pilotak aukeratzen eta txapelketan sartuko berri den Beloki honako hau adierazi du “Finaleurdenetan sartzen den pilotari orok maila handia dauka eta arerio gogorra da. Patxik bi kanporaketa gainditu ditu eta nik indartsu, kolpedun, eta anketatik oso azkar ikusi dut. Prentsan huts asko egin dituela irakurri dut baina holako atzelari boteredunak lau t´erdian neurriak ondo hartzea ez da erraza. Partida gogorra eta irekia aurreikusten dut”.

Piloten pisuak honako hauek izan dira:
Belokik, 106 eta 105,6 gramo.
Patxi Ruizek, 106,1 eta 105,5 gramo.
Belokirenak azkarragoak ei dira eta lurretik ondo doaz.
Aukeraketa luzea izan da eta Patxik Ruben baino denbora gehiago eman behar izan du.