SEKULAKO ABIADURAZ

2019-03-22

Patxi Ruizek lau t´erdiko txapelketako ligaxkaren estraineko puntua lortu du egungo txapelduna den Olaizola II.a 22 eta 21 mende hartu ostean. Partida apartekoa izan da eta Labriten bildu den jendetzak erabat gozatu du.
Patxi Ruizek berak kaiolan duen joku bizi eta azkarra atera du eta txapelduna garaitu du pilotari sekulako abiadura eman, huts gutxi egin eta serio-serio jokatuz. Lizarrakoak eman dituen pilotakada bortitzak txapelduna 6 koadro parean mugiarazi du partiduaren zehar une askotan eta honen ondorioz Aimarrek ezin izan du bere aire jokua nahi beste azaldu.
Patxik 9-16 emaitzari buelta eman dio eta Aimar partidutik kanpo izatea lortu du zenbait unetan azken honek prentsaurrekoan ” menperatuta eta ez eroso sentitu naiz” aitortu duelarik.
18-20 markagailuan zela Patxi Ruizek dejada eder bat bota du eta Olaizola hura harrapatzen saiatu denean kolpe bat hartu du ezker hormaren kontra eta aldageletan sartu behar izan du.