Sei finalerdi eta bi final hogeita zortzi egunean

2020-09-22

Atzo hasi eta urriak 18 bitartean, hogeita zortzi egunean, CaixaBank Masterseko bi finalerdiak eta finala, eta Binakako Txapelketako finalerdietako lau partidak eta finala izango dira jokoan.

Bizi dugun egoerak, txapelketak bata bestearen atzean lotuta ekarri ditu eta epe laburrean norgehiagoka erabakigarri ugari izango dira.

Atzo Logroñoko Adarraga pilotalekua izan zen CaixaBank Masterseko lehenenego finalerdiaren lekukoa. Ostiralean bigarren finalaurrea hartuko du.

Bateko eta besteko irabazleak Bilboko Bizkaia Frontoian izango dira aurrez aurre igande honetan arratsaldeko 17:30tan hasiko den pilota jaialdian.

Eta ia atsedenik gabe, martxoan bertan behera geratutako Binakako Txapelketako finalerdietako bi jardunaldiak eta finala jokatuko dituzte hurrengo astetik aurrera Eibarren, Bilbon eta Tolosan.