SARALEGIK ERA BIKAINAZ GAINDITU DU XALA

2019-03-22

Ekaitz Saralegi pozaren pozez azaldu da Donostiako Atano III.a pilotalekuan Lau eta Erdiko Txapelketako Xalaren kontrako partida 22-12 emaitzaz garaipena lortu orduko.

Asegarceko pilotariak partidu ederra jokatu du eta aurkaria goitik behera menperatu du, tantu pilo bat gauzatuz -12 batu ditu- eta huts bakar bat eginez. Amezketako aurrelariak pilotari abiadura eman dio ezker-eskuinez, luze jokatu du eta aukera sortu denean tantua bukatu du. Defentsa ona ere erakutsi du eta horren seinalea Xalak boleaz tanto bat ere ez lortzea izan da. Partida borobiltzeko Ekaitzek dejada eta parada eder batzu egin ditu.

Xalari tentsioa falta antzematen izan zaio baita kantxan lekuz kanpo egotea ere.