Salaverri II.ak Baikorekin duen kontratua berritu du

2022-12-13

Baiko Pilota eta Ruben Salaverri akordio batera iritsi dira eta beste bi urtez luzatu dute kontratua.

Atzelari errioxarrak 2016ko irailean egin zuen debuta Logroñoko Adarragan, eta profesionaletan daramatzan sei denboraldietan hiru aldiz lortu du Promozio Mailako Binakako Txapelketako finalera iristea, 2021ean txapela irabaziz.

Fuenmayorreko pilotariak eskerrak eman dizkio Baikori “aukera berri honegatik”, eta pozik azaldu da hurrengo bi urteetan “hobetzen jarraitzeko denbora” izango duelako.

Salaverri II.ak ostiral honetan bertan jokatuko du Ataunen Zubizarreta III.arekin batera eta Elizegi ordezkatuz, Exposito-Bikuña bikotearen aurka Binakako Promozio Txapelketako sailkapen ligako laugarren jardunaldiko partidan.