PUNTU GARESTIA OSO

2019/03/22

Ordu bete eta hogeitamazortzi minutu eta mila pilotakada baino gehiago behar izan dute Bengoetxea VI eta Belokik binakako finalaurdenetako fasean lehenengo puntua lortzeko Berasaluze VIII.a eta Patxi Ruiz 22-16 mendean hartuz.
Lan handiko norgehiagoka izan da eta aztelariak izan dira lan zama gehien eraman behar izan dutenak. Hutsak tantu politak baino gehiago ikusi ahal izan dira. Patxi Ruizek eman ditu partiduko pilotakadarik ederrenak baina aurrean langile amorratua izan den Beloki agertu zaio. Aurrekaldean Berasaluzek ez du bere atzelariaren nagusitasuna aprobetxatu jakin izan eta Bengoetxea VI.a zuzen ibili da.