• Erasun, Urretabizkaia II.a, Aranguren, Arteaga II.a, Elordi, Zabala, Egiguren V.a eta Salaberria Promozio mailako Buruz Buruko txapela irabazten saiatuko dira
• Zortzigarren urtez jarraian CaixaBank izango da Promozio mailako eskupilota txapelketa garrantzitsuenaren babesle nagusia
Bilbo, 2020ko azaroaren 10a
Txapelketan parte hartuko duten 8 pilotariak bertan izan dira. Enpresa bakoitzeko lau. Baiko Pilotak bere koadroko lau pilotari hauek aukeratu ditu txapela lortzeko asmoarekin: Aranguren, Arteaga II.a, Erasun eta Urretabizkaia II.a. Helburu berarekin, ASPE Pelotak Elordi, Zabala, Egiguren V.a eta Salaberria aurkeztu ditu.
Aurkezpenean egindako zozketak final-laurdenetako hurrengo kanporaketak utzi ditu: A taldean Elordi-Aranguren, B taldean Egiguren V-Urretabizkaia II, D taldean Salaberria-Erasun eta E taldean Zabala-Arteaga II.
Finalerdietan, batetik A eta B taldeetako irabazleak gurutzatuko dira eta bestetik, D eta E taldeetakoak. Finala azaroaren 28an jokatuko da.
Bizkaia Frontoiko Areto Nagusian egindako aurkezpen ekitaldian parte hartu dute Emilio Cuadrado CaixaBankeko Negozio Arloko zuzendariak, Unai Iglesias Baiko Pilotako ordezkariak eta Inaxio Errandonea ASPE Pelotako ordezkariak.
Cuadradok finantza erakundeak kirol honen alde egindako apustua goraipatu nahi izan du. “CaixaBankek zortzigarren urtez jarraitzen du buruz buruko txapelketaren babesle gisa, gure kirolaren aldeko apustua berresten duen akordioa da”, adierazi du Cuadradok.
Berrikuntzak
Promozio mailako Txapelketak, Buruz Buruko Txapelketa nagusiak aurtengo ediziorako aurkeztu dituen berrikuntzak hartuko ditu bere baitan. Besteak beste hauek hirurak:
Sakeak: Pasako marra sei t’erdiko koadroan jarriko da.
Botileroak: Parte hartzaileek botileroak izango dituzte txapelketako partidetan beste enpresako pilotarien aurka jokatzen dutenean. Enpresako teknikariek bakarrik lagundu ahal izango dute botilero moduan.
Partida atzerapenak: Ez da partidarik atzeratuko.