• Larrazabal, Alberdi, Erasun, Zubizarreta III, Elordi, P.Etxeberria, Egiguren V eta Salaberria Promozio mailako Buruz Buruko txapela irabazten saiatuko dira
• Bederatzigarren urtez jarraian CaixaBank izango da Promozio mailako eskupilota txapelketa garrantzitsuenaren babesle nagusia
Baiko Pilotak bere koadroko lau pilotari hauek aukeratu ditu txapela lortzeko asmoarekin: Larrazabal, Alberdi, Erasun eta Zubizarreta III. Helburu berarekin, ASPE Pelotak Elordi, P.Etxeberria, Egiguren V eta Salaberria aurkeztu ditu.
Aurkezpenean egindako zozketak final-laurdenetako hurrengo kanporaketak utzi ditu: A taldean Elordi-Erasun, B taldean Egiguren V-Alberdi, C taldean P.Etxeberria-Zubizarreta III eta D taldean Salaberria-Larrazabal.
Finalerdietan, batetik A eta B taldeetako irabazleak gurutzatuko dira eta bestetik, C eta D taldeetakoak. Finala ekainaren 5ean jokatuko da.
Bizkaia Frontoiko Prentsa Aretoan egindako aurkezpen ekitaldian parte hartu dute Emilio Cuadrado CaixaBankeko Bilboko Negozio Arloko zuzendariak, Unai Iglesias Baiko Pilotako ordezkariak eta Inaxio Errandonea ASPE Pelotako ordezkariak.
Berrikuntzak
Promozio mailako Txapelketak, iazko ediziorako aurkeztu zituen berrikuntzak hartuko ditu bere baitan. Besteak beste, hauek hirurak:
Sakea: “Pasa”-ko marra sei t’erdiko koadroan jarriko da
Botileroa: Parte hartzaileek botileroak izango dituzte
Partida atzerapenak: Ez da partidarik atzeratuko