EPELEKO LEHIAKETA EPAILEAREN ERABAKIA
2022ko abenduaren 24a
KONTUAN HARTUTA:
1.- Binakako Promozio Txapelketako 5. jardunaldiko partidak jokatu behar zirela, eta 2022ko abenduaren 26rako programatuta zegoela Alcanadren (Errioxa) Agirre – Iztueta & Salaberria – O.Etxeberria.
2.- 5. jardunaldiko partidak 6. jardunaldia hasi baino lehen jokatu behar direla, eta honen hasiera 2022ko abenduaren 30erako aurreikusita dagoela.
3.- Agirre – Iztueta bikoteko aurrelariak 5. jardunaldiko partida jokatzea eragozten dioten arazo fisikoak dituela. Bikote horren enpresak (Baiko Pilotak) EPELi adierazi dio ezin duela Agirre ordezkatuko duen beste pilotaririk eduki 5. jardunaldian.
4.- Jakina denez, pilotari edo bikote batek ezin badu EPELeko partida batean parte hartu, 22 – 0 galdutzat zenbatuko da, eta bere arerioak eskuratuko du garaipena.
Azaldutakoagatik, hau ERABAKI DA:
Lehenengoa.- 2022ko abenduaren 26rako Alcanadren (Errioxa) aurreikusita zegoen pilota jaialdia bertan behera uztea.
Bigarrena.- Binakako Promozio Txapelketako sailkapenaren ondorioetarako, Agirre – Iztueta & Salaberria – O.Etxeberria bikoteen arteko 5. jardunaldiko partidaren emaitza 0 – 22 dela ezartzea.
Erabakitakoaren aurka ezin da errekurtsorik jarri.
Borja Osés García
EPELeko Lehiaketa epailea