Gonzalezek eta Laskurainek Asperen partetik eta Arretxe II.ak -Saralegiren ordez- eta Ibai Zabalak -Belokiren tokia betzez- bat egin dute arratsaldez Azkainen ostiral honetan jokatuko duten Euskadi Goza ezazu Binakako txapelketako final laurdenetako ligako bederatzigarren jardunaldiko partidurako pilotak bereizteko.
Ekitaldi bera bukaturik, zera esan du pilotari luzaidarrak:
“Roberto García Ariñok deitu nuenean poz handia sentitu nuen. Oso aukera esanguratsua da niretzat ,izan ere ez dut sekulan 1. mailako binakako txapelketa batetan jokatu. Nahiz eta zure maila erakusteko zenbait partidu jokatu behar duzunez ostiralekoa garrantzitsua da oso.
Gauza bat garbi dago, denok dakizuenez, hil ala bizi irtengo naizela”.
Gonzalez-Laskurain: 106,9, 106,5 eta 105,8 g.
Arretxe II.a-Ibai Zabala: 104,2, 104,6 eta 105,4 g.
Goizez Gernikan
Goizean Gernikako Santanape pilotalekuan Berasaluze VIII.a-Apraiz eta Xala-Barriola egon dira ostiraleko partidurako aukeraketa gauzatzen. Gorriek 105,1, 105,4 eta 106,8 gramoko pilotak hartu dituzte eta urdinek aldiz 104,5, 104,8 eta 104,8koak.