Lehenengoan, Titin IIII.a eta Arretxe II.a egon dira, igandean jokatuko duten final-zortzireneko neurketarako pilotak hautatzen.
Bereizketa egin eta gero, Luzaideko pilotariak asegarce.com galderei erantzun die, adierazpen hau eginez:
“Niretzat oso partida polita izango da. Txikitatik ikusi dut jokatzen eta gainera nire aitarekin batera. Adarragako giro berezian murgilduta jokatuko dugu eta final-laurdenetara sailkatzen banaiz, garrantzi handiko saria izango litzateke niretzat.
Partidari dagokionez, denok dakigu zer nolako jokoa egiten du Augustok; behin eta berriz airez sartu, erritmo gogorra eta ni mugiarazten saiatuko da.
Nik, pilotakada bortitzak emateari ekingo diot eta partidari begira, estrategia prestatuta daukat dagoeneko. Dena den, guzti hau kantxan egin ahal denentz ikusi behar da”.
Arretxe II.a: 105,5-106,7 g.
Titin III.a: 105,1-105,9 g.
Saralegi eta Retegi BI, Tolosan
Astelehenean jokatuko da Beotibarren jardunaldiko azken norgehiagoka, eta bertan, Ekaitz Saralegi eta Julen Retegi nor baino nor ariko dira.
Hemen ere, jakina, saskitxoarekin hitzordua izan da eta aukeraketa bukatu orduko, zera esan digu Amezketako aurrelariak:
“Beno, Retegi lau eta erdian nahiz banaka lehiatzen, ondo moldatzen da. Botez jokatzen gutatzen zaio gehienbat eta astelehenean horrela ariko da ni nekatzen lortu nahian. Baina, nik ere nire armak baditut eta aukera txikienean sortu ezkero, tanto bukatzera joango naiz.
Saralegi: 105,1-106,1 g.
Retegi BI: 104,8-104,1 g.