Pilota profesionala Labritera itzuliko da asteburu honetan Masters Caixabanken eskutik

2020-07-03

CaixaBank Masterseko lehen jardunaldiaren ostean, eskupilota, jardunaldi bikoitzarekin helduko da Nafarroara asteburu honetan. Duela lau hilabete arte bizitako arratsalde magikoak pilotazaleei itzultzeko ilusioarekin, Labrit pilotalekuak jaialdi bana hartuko du larunbatean eta igandean. 

Iruñeko Caixabanken bulegoetan atzo egin zuten aurkezpenak zaleen artean suspertzen ari den giro hori sortu nahi izan zuen. Han izan ziren Baiko Pilota eta Aspeko ordezkariak, Isabel Moreno Caixabankeko Nafarroako, Aragoiko eta Errioxako lurralde-zuzendaria eta baita pilotariak ere. Lehenengo jardunaldian hartutako osasun-neurriak egokiak izan zirela kontuan hartuta, atzoko ekitaldian ikusleei pilotalekuetara lasaitasun osoz joateko deia egin zitzaien.