PEÑAGARIKANO: “JO ETA ARRISKATU EGINGO DUT”

2019-03-22

Kepa Peñagarikanok bigarrenez jokatuko du 1. mailako eskuz banakako txapelketan datorren igandean Bergaran Goñi III.aren kontra.
2003ko 2. mailako txapela lortu eta gero urrezko txapelketan sartu zen iaz baina Xalarekin topo egin zuen eta 11-22 galdu zuen estraineko neurketan.
Aurten gogotsu dabil azpeitiarra eta Goñi III.aren kontrako neurketan erabiliko duen estrategia asegarce.com-era azaldu du ” Partida gogorra izango da Fernando oso pilotari sendoa da eta. Ni frontisetik ahalik eta urrunen mantentzen saituko naiz pilota ondo joaz, baina aurrean aukera denean dejadaz eta bestelakoaz arriskatu behar izango da”.

Bi protagonistak Bergarako pilotalekuan egin dute pilota aukeraketa eta baita gustora ere geratu.
Kepak 105,1 eta 103,3 gramotako boterdiko pilotak aukeratu ditu.
Fernandok aldiz irteera gehiagoko 103,1 gramotako bi pilota bereiztu ditu. Inolako arazorik ez da izan.

Bestalde, Lasa III.a eta Esainek pilota hautaketa egin dute Tolosan eta ez da inolako aitzakirik izan.
Lasak 104,3 eta 105,9 gramotako larrubueltako bi pilota aukeratu ditu.
Esainek 103,7 eta 103,5 gramotako pilotak bereiztu ditu.
Bi loteak alderatuz, Lasarena omen da biziagoa.