PATXI RUIZEK ADARRAGA TXUNDITU DU

2019-03-22

Bengoetxea VI.a eta Patxi Ruiz 2006ko Sanmateotako txapeldunak geratu dira jenez gainezka zegoen Adarraga pilotalekuan Xala eta Pascual 14 eta 22 mendean hartu ondoren. Pilotazaleak txundituta geratu dira Patxi Ruizen jokua ikusita eta kazetariek torneoko pilotaririk onena izendatu dute. Lizarrakoak bi eskuz izugarrizko zartadak eman ditu eta Pascual erabat baztertuta utzi du errebotean. Horretaz gainera kantxan erbien moduan ibili da eta ez du zulo bat ere estali gabe utzi.

Bengoetxea VI.a ia denetan sartu da airez eta tantu asko lortu arren bestetan ez du behar bezala asmatu.
Xalak partida ona egin du eta boleaz tantu asko lortu ditu baina aztelari aurkariaren boterearen eraginez ezin izan du gehiago egin.
Pascualek ahal den moduan defenditu du bere burua baina aurrean zeukan arerioak gailenduezina zirudien.