PATXI RUIZ “ZARAUZKO PORROTA ZUZENDU NAHI DUT”

2019-03-22

Patxi Ruiz argi eta garbi ari zen gaur eguerdian Labriten egindako pilota aukeraketaren ondoren aldageletan “Zarauzko porrota zuzendu nahi dut. Hasieratik gaizki ibili nintzen eta ez nintzen kantxan eroso ibili”.
Lizarrako pilotariak frontisetik ondo ateratzen diren pilotak aukeratu ditu “oso onak”, bere hitzetan, eta oso pozik ageri da. Aurkariari buruz nafarrari bost axola zaio dagoen polemika “nire premia bakarra partidua irabaztea da eta horrela finalean sartzeko aukera edukitzea. Nere betiko jokua egingo dut, hots, pilotari abidura eman eta Titin III airez sartzea ekiditzea”.

Titinek aldiz ez du berezko aukeraketa egin eta bere ordez Migel Muntion eta Antxon Maiz Aspeko intendenteek gauzatu dute. Pilotak bereiztu ondoren Juan Mari Juaristi hautatzaileari eman dizkiote eta honek apur bat probatu eta gero Titin-i luzatu dizkio. Errioxarrak pilotakada batzu eman ditu eta hor bukatu da aukeraketa.
Tricioko pilotariak prentsaurrekoan esan du “protesta moduan ez dut egin arautegian azaltzen den eskubideari eustea baino ez dut egin eta. Pilotari batek aukeratzeari uko egitekotan hautatzaileak berak egingo du aukeraketa eta holaxe egin dugu”.
Materialari buruz partidua bukatu arte Augustok ezertxo ere ez duela esango adierazi du.
Giro itzela egon da Labriteko harmailetan 300 pertsona baino gehiago bertan izan dirala.

Titin III: 104,7 – 103,6 gramo.
Patxi Ruiz: 105,4 – 104,4 gramo.