PATXI RUIZ: “ATSEGIN DUT LAU ETA ERDIKOA”

2019-03-22

Abel Barriola eta Patxi Ruiz Bergarako udal pilotalekuan bildu dira gaur goizean datorren igandean jokatuko duten EPELen Lau eta Erdiko txapelketako finalaurdenetako partidarako pilotak aukeratzeko.
Abelek araudiak azaltzen dituen 15 minutu agortu ditu hori egiteko eta berak hartu dituen pilotak pixka bat arinagoak diren bitartean Patxirenak zama haundiagokoak omen dira. Laurak Punparenak dia.

Barriola: 102,5-103,7 gramo.
Patxi Ruiz: 105,4-106,8 gramo.

Retegi, aholkularia

Igandeko partiduaz itaunduta zera dio Lizarrakoak “Irrikitan nago partidua jokatzeko. Lau eta Erdiko lehiaketa atsegin dut; ematen den abiadura, mugimenduak, anguloak bilatzea, guzti hori asko gustazten zait. Espero dut kanporaketa gaindiztea eta horrela finalerdiko ligaxkan sartzea, Abelen baimenaz jakina”.

Botilleroari buruz, aholkulari berria izango du Patxik “kaiolan”, “Retegi izango da aulkian. Andra Mari Zurian Irujoren kontrako banakako partidan oso ondo aritu ginen, nahiz eta lesioa sortu. Batzutan presioa sartzen dizu baina hori beharrezkoa da askotan. Gainera Julianek partiduetako zehaztasun guztiak menpean hartzen ditu”.