OTXANDORENA BIKAINA OLAIZOLA II.AREKIN BATERA, SANFERMINETAN ERREGE

2019-03-22

Olaizola II.a eta Otxandorena 2004ko Sanferminetako txapeldun berriak ditugu gainezka zegoen Iruñako Labrit pilotalekuan Aspeko Gonzalez eta Lasa III.a bikotea 22-14 mende hartu ostean.

Iñaki Otxandorena torneoko pilotaririk onena izan da zalantzarik gabe. Mugairikoaren joku maila apartak Olaizola II.aren erakustaldia eduki du lagun eta honela zaila da heurei garaitzea.

Finalaren gakoa Otxandorenak atzekaldean gauzatu duen nagusitasuna izan da Lasa III.a ia erabat menperatu eta Gonzalezen eraso jokua moteldu duena.

Gainera nafarra kantxako bazter guztietan izan da eta denbora gehiena Lasa III.ari bizkarra erakutsi dio.

Olaizola II.ak oso partidu ona burutu du bere gunean izan diren pilota guztiak harrapatu eta tantu bihurtuz. Guztira 16 tantu egin ditu jokuan.