OSO ITXURA ONA DEBUTEAN

2019-03-22

Urrutikoetxeak itxura ona eman du gaur Arrigorriagako udal pilotalekuan profesionaletan egin duen lehen partiduan eta nahiz eta Mendizabal II.arekin batera 13-22 galdu, tanturik politenak berak egin ditu.

Partiduko hasiera gogorra izan da 0-8 jarri baita markadorea, urdinak partiduan sartu ezinik eta Begino jaun eta jabe atzekaldean zela.
Ondoren Oier nahiz Mikel berotzen hasi dira eta ondo kokatu dira kantxan. Zaratamoko aurrelariak zazpi tantu gauzatu ditu horien artean bi bolea eta beste bi txapagaineko.