Olaizola II-Urrutikoetxeak finalerako txartela eskuratu dute (22-13)

2020-10-04

Eskuz Binakako Txapelketako finalerako txartela eskuratu dute Olaizola II-Urrutikoetxeak gaur arratsaldean Eibargo Astelena pilotalekuan Ezkurdia-Martijari 22-13 irabazi ondoren.

Gaurko norgehiagokan lehenengo jardunaldiko bi bikote garaileak izan dira aurrez aurre, hori dela eta, bazekiten gaurkoan irabaziz gero, seguru zirela finalean.

Olaizola II-Urrutikoetxea hasieratik amaierara izan dira aurretik markagailuan eta abantaila handia izan dute alde uneoro (4-0, 8-1, 15-7). Lau tantora jartzea lortu dute partidaren amaieran urdinek (16-12, 17-13) baina aldea ez da gehiago estutu eta 22-13 itxi dute partida Olaizola II-Urrutikoetxeak.

Emaitza: Olaizola II-Urrutikoetxea 22-13 Ezkurdia-Martija

Partidaren iraupena: Ordu 1

Pilotakadak: 544

Gorriek (Olaizola II-Urrutikoetxea): 13 tanto egin dituzte eta 4 galdu

Urdinek (Ezkurdia-Martija): 9 tanto egin dituzte eta 9 galdu

Lehenengo partida: Irribarria-Bikuña 11-22 P.Etxeberria-L.Galarza

Hirugarren partida: Dario-Garmendia 18-11Salaberria-O.Etxebarria