OLAIZOLA II: “TXAPELARI EUSTEA GARESTI DAGO”

2019/03/22

Lau eta Erdko egungo txapelduna atzo atera zen Balmasedako kantxara Agirrerekin lagunduta estraineko ikutuak ematera. Partidurik ez zen egon entrenamendua kontaktua eta distantzia hartzeko baino ez zen eta.
Pilotaleku ona omen da Aimarrentzat bertan jokatutako partidu bietan irabazi baitu: 2002an Goñi III.aren kontra eta 2004an Agirreren aurka. Bere ustez frontoi ona da “Frontis eta zorua nobleak dira. Frontoiaren aldetik ez da inolako arazorik izango”.

Partiduak kantxan irabazi behar dira

Txapelketari buruz zera adierazi digu asegarce.com-en “Nahiz eta jendearentzat Gonzalez aurkaria erraza izan ni ez nago ados. Gure artean jokatutako 4 partiduak nire aldera etorri dira baina partiduak jokatu behar dira. Atzo Tolosan ongi ikusi nuen. Sebastien arriskutsua da”.

Txapelari nola eusteaz galdetuta honela erantzun zigun “Tituluari eustea garesti dago. Txapelketa irekia da oso. Gauden pilotari guztiok aukera dugu txapela lortzeko. Dena den nik ez dut horretaz pentsatzen, lehenengoz Gonzalezen partida irabazi behar dut”.