Olaizola II-Rezustaren bigarren garaipena Binakako Txapelketan

2021-01-06

Guztia dago egiteke Binakako Txapelketa honetan, baina badaezpada, Olaizola II.ak eta Rezustak sailkapen ligako bigarren puntua eskuratu dute gaur Eibarren. Aurreneko jardunaldian ikusitakoaren ondoren, lehia estua aurreikusi zitekeen Olaizola II-Rezusta eta Peña II-Albisuren artean. Eta halaxe izan da.

Partidaren lehen zatian, markagailuan launa berdinduta zihoazenean, gorriek sei tanto egin dituzte jarraian eta bidea egin dute baina hamazazpigarren tantoan berriz egin dute topo bi bikoteek. Azken txanpan, gehiago asmatu dute Olaizola II.ak eta Rezustak eta 22-19 irabaztea lortu dute.

Binakako Promozio Txapelketari dagokionez, Elordi-Garmendiak sailkapen ligako bigarren puntua bereganatu dute Egiguren V-Ruizen aurka 22-13 irabazi ondoren. Eta pilota jaialdiaren irekierako neurketan, P.Etxeberria-Tolosak 22-14 gainditu diztuzte Dario eta Bikuña.

Emaitza: Olaizola II-Rezusta 22-19 Peña II-Albisu
Partidaren iraupena: Ordu 1 eta 8 minutu
Pilotakadak: 591
Berdinketak: 4-4, 17-17, 18-18, 19-19
Gorriz (Olaizola II-Rezusta): 10 tanto egin dituzte eta 6 galdu
Urdinez (Peña II-Albisu): 13 tanto egin dituzte eta 12 galdu
Lehenengo partida: Dario-Bikuña 14-22 P.Etxeberia-Tolosa


Promozio Txapelketa: Elordi-Garmendia 22-13 Egiguren V-Ruiz