Gorriek 105,4, 106,1 eta 104,3 gramoko pilotak hartu dituzte. Aspeko pilotariek, aldiz, 106,3 105,1 eta 106,2koak.
Saskiaren kontua bukatuta, Goizuetako aurrelariak zera esan die bertaratutako kazetariei: “pilota onak dira frontoi honetarako. Gureak azkarragoak dira. Oso partida zaila izango da. Bikote handia dugu aurrean, Abel ondo jokatzen ari da; defenditu eta opari gutxi eta Jokin konfidantzaz dabil”.
Arratsaldean Tolosan
Irribarria-Rezustak eta Bengoetxea VI-Larunbek bat egin dute arratsaldez Beotibar frontoian datorren astelehenean, hilak 30, arratsaldeko lau t´erdietan lehiatuko diren binakako txapelketako partidarako pilotak aukeratzeko.
Gorriek 7 puntu dauzkate 8 partida jokatuta eta sailkapenaren buruan daude. Oinatz eta Mikel 3 punten jabe dira eta seigarren tokian daude txapelketan.
Aspeko bikoak 106,7 106,2 eta 106,4 gramoko pilotak bereiztu ditu eta urdinek, berriz, 104,3 104,9 eta 106,2koak.