OLAIZOLA II: “NAFARROAKO LAU ETA ERDIKO PARTIDUA BESTELAKO NEURKETA IZAN ZEN”

2019-03-22

Eguerdian Aimar Olaizolak eta Mtz. de Irujok bat egin dute Ogeta pilotalekuan larunbateko partiduko pelotak aukeratzeko. Aimar gustora geratu den bitartean Mtz. de Irujo erabat konforme ez omen da izan.
Kazetari pilo baten aurrean zera adierazi dute bi pilotariek:

Olaizola II: “Ni gustora geratu naiz materialarekin. Bere pilotak pixka bat biziagoak omen dira”.
Orain ni oso ondo ikusten dut nere burua eta hura ere nahiko sendo ikusten dut.
Nahiz eta Nafarroako Lau eta Erdiko finala galdu hau bestelako partidua da. Irujoren kontra luze jokatuko dut. Tantuak azkarrago bukatu behar izango dut. Juanek ere piloteoan eroso dabil eta bi esku onak ditu”.

Irujo gogoz kontra ez

Mtz. de Irujo: ” Ez naiz gogoz kontra geratu. Nireak bote handiagokoak dira eta mugitzeko ere zailagoak. Aimar txapelduna eta faboritoa da eta bera gainditzeko joan den larunbatean baino hobeto jokatu beharko dut zailagoa ipiniko dit eta. Gakoa betikoa da, hots, 6an euki eta aukera denean tantua bukatu. Partidua luze ez izatea espero dut. Badakigu bere jokua pilotaeoan datza, hau da, pilotakada asko eman eta larri ikusten zaituenean sartu egiten dizu”.

Mtz. de Irujo: 103,4 – 104,4 gramo.
Olaizola II: 103,5 – 105,2 gramo.