OLAIZOLA II: “BARRIOLAK LEHENGO PILOTARI ONA IZATEA LORTU DU”

2019-03-22

Olaizola II.ak eta Abel Barriolak bat egin dute Tolosako Beotibarren datorren igandean Lau eta Erdiko txapelketako partiduan erabiliko dituzten pilotak aukeratzeko. Bi pilotariak gustora geratu dira eta Aimarrek berak gustoko dituen pilotak hartu ditu, hots, frontisetik gutxi atera eta azpitik ondo ibiltzen direnak. Barriolak jokatzeko moduko pilotak bereiztu ditu. Prentsaurrekoan izan dira biak eta hauexek dira beren adierazpenak.

Barriola:
“Aimar faboritoa da baina ez diot garrantzi berezirik ematen. Gu biok afizionatu garaietatik elkar ezagutzen dugu, hortaz, igandean ez da sekreturik izango. Ligaxkari buruz esan behar dut aurreko urteetan baino gogorragoa ikusten dudala. Emaitzak orekatuak izan dira eta ikusi da Aimar ez dela garaituezina”.

Txapela garesti dago

Olaizola II:
“Abelek lehengo goi mailako pilotaria dela argi erakutsi du ligaxka honetan. Nik aurkezpenean eskuak sendatuta izanez gero Abel aurkari arriskutsua izango litzatekeela esan nuen.
Partiduan luze jokatuko dut eta nere ustez gogorra izango da. Barriolaren pilotakada biziei eusten jardungo naiz. Abel ligaxka honetako pilotari ezberdina da; atzelaria da baina defensta ona dauka eta ondo moldatzen da distantzian.
Nik uste dut ligaxka hau besteak bezalakoa da. Iaz partidu bat galdu nuen eta gainerako biak irabazi nituen. Txapela eskuratu nahi duen edozeinek gogor lan egin eta sufritu behar du.
Mtz. de Irujoren kontrako partidatik ondorioak atera ditut”.

Barriola: 104,3 – 104 g.
Olaizola II: 105,8 – 105,5 g.