OLAIZOLA II.AK TXAPELDUNA TXIKITU EGITEN DU

2019-03-22

Aimar Olaizolak, Titin III.a, egun den Lau eta E´erdiko txapelduna, deuszeztatu du errukirik gabe Eibarko Astelena pilotalekuan jokatu den lehiaketaren finalaurreko ligaxkaren lehen partiduan 22-9 ustegabeko emaitza lortuta.

Asegarceko pilotariak partidu borobila egin du alderdi guztietan Titin III.a mendean hartuz. Piloteo luze, azpitik egindakoa eta horma bilatuz errioxarraren aire jokua erabat ekiditu du eta berak aukera izan duenean forma guztietako erremateak gauzatu ditu horietako sei gantxuz, Augustoren etsipenerako. Aldi berean ohiko defentsa bikaina erakutsi du goizuetarrak.

Bere eskubiari dagokionez, ez du goitik behera jo eta behetik egin duenean tentuz egin du eta kolpe bortitzarik gabe.

Oharra: Kronika hau atzo jartzea ezinezkoa izan zen web hau zinzilikatuta dagoen zerbidorea erori egin zelako. Nahiz eta gure errua ez izan, eragozpenak barkatzeko eskatzen dizuegu.