OLAIZOLA II.AK TITIN III.A GARAITU ETA FINALEKO MUINEAN SARTU DA

2019-03-22

Lehenengo ihardunaldian Patxi Ruizen aurrean porrot egin ondoren Olaizola II.ak bere estraineko garaipena lortu du EPELen lau t´erdiko txapelketako finalaurreko ligaxkan Titin III.a 22 eta 14 garaitu eta gero. Honela goizuetarrak finalean egon ahal izateko puntu baliotsua eskuratu du. Partidua markagailuan izan diren boladaz azaldu da materiala eta protagonisten joku ona direla medio.

Titin III.ak berak duen joku mota berberaz jokatu du partidua, hau da, sake errematea eta gantxuez josita. Hasieran zulo handia ireki du arerioengandik 3-11 emaitzaz lortuz, baina Olaizola II.ak berpiztu eta abantaia hori berdindu du eta 11-15 kokatu da ezker hormara bidali dituen pilotakada luze eta ondoren egindako parada, bolea eta txapagainekoei esker.
Azken txanpan eskuz banaka eta lau t´erdiko txapeldunak eroso samar bukatu du norgehiagoka piloteoan arazo handirik gabe ibiliz.