OLAIZOLA II.AK PRONOSTIKOAK BETE DITU MERINO II.A MENPERATUZ ETA MTZ. DE IRUJORI AURRE EGINGO DIO FINAL LAURDENETAN

2019-03-22

Olaizola II.ak EPELen Eskuz Banakako Txapelketako final laurdenetarako txartela lortu du gaur Iruñeko Labrit pilotalekuan Merino II.aren aurkako partiduan 22-5 irabazi eta gero.
Markadoreak dion bezala partiduan kolorerik ez da izan eta gehien bat sakez (6), gantxo eta sake-erremate jokaldien bidez mendean hartu du Aimarrek errioxarra.

Merinok ez du ezer egiterik izan aurkariari aurre egiteko.
Olaizola II.ak Mtz. de Irujoren aurka kjokatuko du final laurdenetan.

Zornotzan ezin izan da

Urrutikoetxeak ez du EPELen Eskuz Banakako Txapelketako final zortzirenetarako txartela lortzerik gaur Zornotzako Amorebieta IV.a pilotalekuan Retegi BIren aurka 22-12 galdu ostean.

Presioak zaratamoko pilotariak harrapatu du eta ez du bere jokoa egiten asmatu. Gainera aurkariak bera baino experientzia duela erakutsi du eta nahiz eta tarte batzuetan biak piloteoan aritu, Julenek askoz ere errazago bukatu ditu tantoak.