2019/03/22
Aimar Olaizolak eta Oier Mendizabalek Asegarceren partetik eta Juan Mtz. de Irujok eta Mikel Beroizek Aspe ordezkatuz bat egin dute Labrit pilotalekuan datorren larunbatean jokatuko duten EPELen Binakako Txapelketako finalaurdenetako ligaren partidurako pilotak aukeratzeko.
Bi bikoteek ez diote inongo eragozpenik Juan Mari Juaristi hautatzaileak aurkeztu dien otarreari eta bilatzen zituzten pilotak hartu dituzte.
Lau pilotariak prenstaurrekoan azaldu dira eta Asegarceko bikotearen aldetik honako adierazpenak egin dituzte:
“Gu gustora geratu gara, Mungian atera genituenak baino pixka bat motelagoak dira. Frontisetik gutxi ateratzen dira baina azpitik ondo doaz.
Eurenek bote apur bat handiago dute baina politak dira ere.
Orain arte erakutsi dute sendo dabiltzala txapelketan eta oso partidu zaila izango delakoan gaude. Beroiz hasiberria den arren agerian utzi du soberako maila baduela.
Larunbatean puntu lortzea oso garrantzitsua izango da, ligako gainerakoak bezala.
Mungian jokatutako partida kontutan izanda, larunbaterarte gehien bat fisikoa landuko dugu.
Partidua prinzipioz ez da luzea izan behar bi aurrelariak errematatzaileak dira eta”.
Mtz. de Irujo-Beroiz: 106,9-105,7-106,2 g.
Olaizola II.a-Mendizabal II.a: 103,5 105,8 103,9 g.
Olaizola II.a eta Mendizabal II.aren adierazpenak entzun nahi badituzu zapaldu hemen.
zapaldu hemen
Hautaketa Irunen
Berasaluze VIII.a-Begino eta Xala-Zubieta ere Irungo Uranzu pilotalekuan egon dira dagokien pilota aukeraketa gauzatzen.
Ostiral honetan izango da partida 22:00 etatik aurrera eta bertan ere puntu baliogarri bat izango da jokoan.
Asegarceko pilotariek 106,2-105,1 eta 105,5 gramoko larruzkoak bereiztu dituzte Aspekoek 106,4-104,4 eta 105 gramokoak aukeratu dituzten bitartean. Bi sortak alderatuta Pablo eta Aritzenak indar gehiago omen du.