OLAIZOLA II.AK “OGETAN HARTUTAKO SEI SAKEEK EZ DUTE HAINBESTE GARRANTZIA”

2019-03-22

Aimar Olaizolak eta Juan Mtz. de Irujok bat egin dute goizez Donostiako Atano III.a pilotalekuan datorren astelehenean jokatuko duten Lau eta Erdiko txapelketako finalerako pilotak aukeratzeko. Jende pila bat batu da ekitaldia ikusteko beste finaletan bezala.
Bi protagonistek gustora geratu dira; Goizuetakoak frontisetik gutxi ateratzen eta lurretik arin ibiltzen diren pilotak hartu ditu, Iberokoak bote gehiagokoak bereiztu dituen bitartean. Olaizolaren ustez horietatik baten botea nabarmentzekoa da.

Prentsaurrekoan zera esan du Asegarceko pilotariak:
“Ondo heldu naiz finalera, ilusioz eta gauzak ahalik eta hoberen egiteko asmoarekin.
Ogetan hartu nituen sei sakeek ez dute hanbeste garrantzia. Buruz buruko partiduetan horrelako zifrak ohi izaten da. Egian esan, entrenamenduetan ez diot tarte berrezirik eman.
Finalean betidanik egin dudan jokuaz arituko naiz, hau da, luze eman eta aukera denean tantua bukatuko dut.
Juanek partiduei abiadura eta erritmoa jartzen dien pilotaria da, hortaz neurketa azkarra izango da”.

Hona hemen pisuak:
Olaizola II: 105,4 – 104,4.
Mtz. de Irujo: 105,9 – 105,4.