Aimar Olaizolak EPELen Lau t´Erdiko Txapelketako Finala jokatuko du Mtz. de Irujoren aurka, gaur Bilboko Bizkaia pilotalekuan jokaturiko finalerdietako ligaxkako azken partiduan Abel Barriola (18-22) menderatu ostean.
Emozioz beteriko partidua izan da eta nahiz eta huts batzuk egon, jokaldi ederrak ere gauzatu dira. Hutsek kalte gehiago egin diote Barriolari, izan ere Leitzako atzelariak 7 egin ditu, eta Aimarrek berriz, 4 eta sake-falta bat.
Goizuetako pilotariak 11 tanto lortu ditu jokalditan eta berriro ere bere defentsarako dituen dohaiak erakutsi ditu. Gainera Barriolaren sake zitalei erresterakoan fin ibili da.
Abel sarritan joan da erasora airez eta 12 tantu gauzatu ditu.
3.000 pilotazale bildu dira Bizkaia pilotalekuan.
Lemunok Promozioko finalerako sailkatuta
Stephan Lemunok BBK Promoziozko Lau t´Erdiko finala jokatuko du gaur Bizkaia pilotalekuan Ongayren aurkako partiduan, nahiz eta galdu, gutxienez 16 tanto lortu ondoren.
Gauzak zaildu zaizkio Iparraldeko pilotariari, izan ere (11-15) irabazten izatetik (15-20) galtzen jarri da. Asko sufrituz 16 tanto erabakigarriak lortu ditu eta Mendizabal III.aren aurka jokatuko du finalean.