OLAIZOLA II.AK ” INOR FABORITO IZATEA BAZTERTU IZAN DUT BETI PARTIDUAK JOKATU BEHAR DIRA ETA”

2019-03-22

Olaizola II.ak eta Mtz. de Irujok bat egin dute eguerdiz Bilboko Bizkaia pilotalekuan datorren larunbatean jokatuko duten EPELen Eskuz Banakako Txapelketako finalaurdenetako partidurako pilotak aukeratzeko.

Hautaketa bera bukatuta zera esan dio Goizuetako pilotariak asegarce.com-i:

“Inor faborito izatea baztertu izan dut beti, izan ere, partiduak jokatu behar dira.
Beraren aurka jokatzea gaitza da oso ; bi esku indartsu ditu, goitik pasatzea zaila da eta aurrealdean aritzeko errekurtso askoren jabea da.
Oso ondo jokatu beharko dut eta horrela egin arren korapilatsua gertatuko da partida.
Asteleheneko proban pozik geratu nintzen eta gaur tako gutxiagorekin aritu naiz.
Merino II.aren aurkakoa baino partidu zeharo ezberdina izango da hau. Defendatzeari gehiago ekin beharko diot eta mugimenduez hitz egiterakoan ez dut nahi beste nire burua aurkitzen. Jakina, eraso egoeran baldin banaiz beste itxura edukiko du neurketak”.

Mtz. de Irujo: 106,2 – 106,3 g.
Olaizola II: 105,6 – 105 g.