Hamabost jardunaldi jarraian garaitugabeak izan eta gero, Olaizola II.ak eta Beroizek lehendabiziko porrota jaso dute Euskadi Goza ezazu Binakako Txapelketako finalerdietako bigarren partidan, Titin III.a eta Merino II.aren aurrean 22-20 menderatuta.
Aipatu behar da, garaipen honekin, Augusto eta David finalean sartu direla, beren aurkariak, Xala-Laskurainek eta Olaizola II.a-Beroizek ostiral honetan Bizkaia frontoian jokatuko duten partidaren irabazleak izango direlarik.
Partida orekatua suertatu da, berdinketa ugariekin eta kantxako bi zonaldetan lehia ederrak ikusi ahal izan dituzte Ogeta pilotalekua bete duten pilotazaleek.
Aurrealdean, Titin III.ak eta Olaizola II.ak euren arteko partida guztietan eskaini ohi duten erremate sorta ikusgarria plazaratu dute Gasteizko frontoian.
Atzealdean, antzeko borroka egin dute Mikel Beroizek eta David Merinok, baina kasu honetan Villar de la Torreko atzelaria garaile atera da, partidako onena izan dela.
Datuak:
34 min
714 pilotakadak.
Titin III: sakerik ez, 8 tanto, 5 huts.
Olaizola II: sakerik ez, 9 tanto, 6 huts.
Merino II: 2 tanto, 4 huts.
Beroiz: tanto bat, 6 huts.
Marcador: 1-2 5-2 7-5 10-10 11-11 11-15 14-15 14-17 17-17 18-18 19-19 20-20 22-20