Olaetxea, Mendizabal III.a eta Titin III.a garaitutak; 2010ean lehiaketa berberan, Sodupen jokaturiko partidako aurkari berari aurre egingo dio Luzaideko pilotariak. Orduan, Ikerrek, 14-22 mendean hartu zuen ipartarra.
Neurketa hau jokatuta, saritzat eman daitezke beste bi norgehiagoka ditu zain aurrelari nafarrak; egungo txapelduna den Olaizola II.aren kontrakoa eta Bengoetxea VI.aren aurkakoa.
Pilota aukeraketa Gernikan
Barriolak eta Berasaluze VIII.ak bat egin dute goizean Gernikako Santanape pilotalekuan, datorren astelehenean, Gernikako Urriko azken Astelena dela eta, jokatuko duten Lau eta Erdiko txapelketako final-laurdenetako partidarako pilotak aukeratzeko.
Abelek 104,6 eta 104 gramoko pilotak aukeratu ditu eta Pablok, aldiz, 106,8 eta 105,8koak.
Leitzako pilotariarentzat, sailburua denez, bere lehenengo partaidetza izango da, eta Asegarceko pilotariak, berriz, joan den larunbatean Bilbon final-zortzirenetan Olaizola I.a kanporatuta eta gero, bere bigarren neurketa jokatuko du.