OLAIZOLA II.AK BENGOETXEA VI.A MENDEAN HARTU DU ETA XALAREN AURKA JOKATUKO DU FINALEAN

2019-03-22

Dagoeneko ekainaren 12an EPELen Eskuz Banakako Txapelketako finalean Xalaren aurka jokatuko duen beste finalista dugu: Olaizola II.a Goizuetako pilotariak 22-12 irabazi dio Bengoetxea VI.ari Donostiako Atano III.a pilotalekuan jokaturiko partidan.

Erritmo itogarriz jokatutako neurketa izan da eta jokaldi zehatz batzuetan erabaki da. Olaizola II.a barkatzen ez duen pilotaria da ezta oparirik egiten dituenetarikoa ere. Eta hor izan da partiduaren gakoa.

Tanto batzuk bukatzerako orduan Bengoetxea VI.ak bere burua saldu edo huts egin du eta hor Aimarrek ez du inolako gupidarik eduki. Gainera pilota gurutzatu du eta amaitzeko orduan zeharo asmatu du.
Oinatzek bere ohiko sotamano handia erakutsi du baita aurkaria estutuz, izan ere 15-14 egon dira markadorean Leitzako pilotariak 15-8tik 6 tantoko erremontada bat eginda.