Olaizola II.ak agur esango die Azpeitiari eta Labriti asteburu honetan



2021/10/21

Goizuetako aurrelariak bihar jokatuko du azken partida Azpeitian. Mariezkurrena II.arekin batera aterako da Izarraitzeko kantxara Peña II eta Albisuren aurka jokatzeko.

Jaialdia 22:00etan hasiko da Alberdi pilotari azpeitiarraren eta Zabalaren arteko 4 1/2ko Promozio Txapelketako final-laurdenetako ligaxkako partidarekin.

Olaizola II.ak Azpeitian jokatuko duen azken partidarako sarrerak entradasfronton web-orrialdean eskuratu daitezke.

Eta larunbatean, Aimar Olaizolak agur esango dio Labriti. Aurrelari nafarrak arratsalde gogoangarriak eskeini ditu pilotaleku honetan bere ibilbide profesionalean, eta agurreko partida berezia izango du. Iruñerako sarrerak aspaldi agortu ziren.