Eskuineko belaunean ebakuntza egin eta geroko hiru egun eman ondoren, Aimar Olaizola Gasteizko La Esperanza Klinikatik irten da 11ak aldera Goizuetako bere etxera abiatuz.
Asegarceko pilotaria astelehenean bertan hasiko da errehabilitazioa egiten eta lehen urratsa egin dioten ebaketa alderdian dituen hamabost bat grapa kentzea izango da. Jarraian masaje txikiak egingo dizkiote hauntura sor ez dadin.
Astean hiru egunez joan beharko da Gasteiza goizez bost ordu iraunduko duten saioak egingo dituelarik.
Prozesua honako ariketetan datza: koadricepsa indartzeko elektro-simulazioa, igerilekuan ariketak, masajeak eta gimnasio.
Hiruzpalau asteren buruan belaunetako zurruna kenduko diote eta horrela apurka-apurka ohiko bizitzari ekingo dio, besteak beste, autoa gidatu ahal izatea.
Pilota aukeraketa Bergaran
Xala eta Arretxe II.a Bergarako udal pilotalekuan batu dira eguerdian datorren igandean jokatuko duten EPELen Eskuz Banakako Txapelketako final laurdenetako ligaxkako azken partidurako pilotak bereizteko.
Iparraldeko pilotariak 104,8 eta 104,1 gramoko pilotak aukeratu ditu, irteera eta bizi xamar den bat eta motelagoa den beste bat.
Arretxe II.ak 104,2 eta 105,7 gramoko larruzko bi hautatu ditu, biak maneiagarriagoak.