Olaizola II.a-Mendizabal II.a eta Gonzalez-Laskurain Labrit pilotalekuan egon dira eguerdian larunbatez jokatuko duten Binakako Txapelketako partidurako pilotak aukeratzen.
Bi bikoteak konforme geratu dira otarrean zegoen pilota sortarekin eta ondoren izan den prentsaurrean Asegarceko pilotariek honako adierazpenak egin dituzte:
-Olaizola II.a “: Gu gustora geratu gara pilotekin, nahi genuena topatu dugu. Haienak gehiago ateratzen dira frontisetik eta bote handiagoa dute.
Egin dugun hasiera makalak ez du bukaera markatzen, bi urtetan antzeko hasiera gauzatu dugu eta bietan finaletara heldu gara txapel bat irabaziz.
Partidu gogorrei buruz esango dut binaka jokatuz gero errekuperazio errazagoa dela. Gainera eskuetatik ondo gaude.
Lehenengo partiduan ez ginen ondo aritu jokatzen, bigarrenean irabazi genuen eta hirugarrenean nahiz eta galdu ez genuen maila txarra eman.
-Mendizabal II.a ” Iragan larunbatean tentsioak jota hasi nintzen baina gero urduritasuna baztertu nuen jo handia ere izan behar nuela jakinda.
Gonzalez ondo dabil jokuz eta bikote sendoa osatzen dute biek, baina gu aurrean izango gara haiek bezala garaipena eskuratzeko.
Olaizola II.a-Mendizabal II.a: 104,8-106,4-105,1 g.
Gonzalez-Laskurain: 106,5-106,3-105,4 g.
Beste lau Zornotzan
Titin III.a-Pascual eta Berasaluze VIII.a-Begino bikoek Zornotzako Amorebieta IV.a pilotalekuan bat egin dute arratsaldez ostiralean jokatuko duten Binakako Txapelketako neurketako pilotak aukeratzeko.
Ez da arazorik izan eta bi sortak alderatuz, gorrienak biziago eman du.
Titín III-Pascual: 106; 106,1; 105,3 gr.
Berasaluze VIII-Pascual: 105,6; 105,7; 105 gr.