OLAIZOLA II.A: “GONZALEZEKIKO ARAZOA BION GAUZA BAT DA”

2019-03-22

Aimar Olaizolak ezer gutxi hitz egin nahi du Gonzalezekin daukan kontuaz. Bere iritziz bion gauza bat da eta heuren artean konpondu beharreko arazoa da.
Asegarce.com goizuetarrarekin solasean egon da eta hauxe da mintzatu zaiguna.

-Zeozer esan nahi duzu Gonzalezekiko auzi honetaz?
Ezer ez. Ez diot prentsari ezer azaldu nahi. Gu bion gauza bat da eta kitto. Asteazkenean berarekin topo egin nuen Labriteko entrenamenduetan eta aldageletan izan ginen hizketan, baina hortik kanpora ezer ez.

-Ustekabean harrapatu zintuzten haren adierazpenek?
Bai. Ez nuen espero. Ni egon eta geroko prentsaurrekoan esan zituen eta kazetariek esan zizkidaten.

-Larunbatean aldagela berean egongo zarete?
Nere aldetik bai behintzat. Ni, beti bezala, gainerako pilotariekin izango naiz, normal, normal.

-Kantxara irtetzerakoan bestelako sentzatzioekin aterako zara?
Ez. Nik partiduan jokoan zer dagoen garbi daukat eta beste kontu hori alderatuta izanen dut.