OLAIZOLA II.A FRONTOIAN PILOTAN ARITZEN DA JADANIK

2019/03/22

Legutianoko Gaztedi Alai pilotalekua Olaizola II.ak frontoian egin zuen lehen entrenamenduaren eskenatokia bihurtu zen astelehenean joan den apirilean eskuin belaunean lesioa jaso zuenetik.

Saioa arratsaldeko hiru t´erdietan hasi zen eta ordu erdiz, lasterketak frontisetik erreboteraino aurrerantz eta atzerantz, alde batetik besterako mugimenduak eta sakeak egiteari ekin zion Asegarceko pilotariak. Berarekin batera Itxaso Sanchez fisioterapeuta, Iñigo Abad pilotari afizionatu ohia eta egun Baskoniako Hiriko USP zentroko prestatzaile fisikoa eta Iñigo Simon Asegarceko medikua egon ziren.

Aipatu behar da kantxa osoan zortzi tantura buruz buruko partidutxoa jokatu zutela Abad eta Aimar eta bitxikeria moduan garaipena goizuetarraren alde izan zen 8-7 markadoreaz.
Entrenamendua bukatu ondoren Asegarceko pilotariak oso ondo sentitzen zela esan zuen.

Hemendik aurrera astean hiru saio egingo ditu Olaizola II.ak