OLAIZOLA II.A FINALERDIETARA SAILKATU DA GONZALEZ IRABAZITA

2019-03-22

Aimar Olaizolak EPELen Lau t´Erdiko Txapelketako finalerdietako ligaxkan sartzeko pasea eskuratu du gaur Iruñeko Labriten Gonzalez (22-15) irabazi ostean.

Abiadura handiko partidua suertatu da eta Aimarrek lortutako 5 sakeek ere bere garrantzia izan dute emaitzari begira.
Ohi denez distantzian aire joko asko egon da eta bi pilotariek gantxo, bolea eta antzeko jokaldiak egin dituzte. Hala ere nahiz eta era horretan gehiago jokatu, Gonzalezek 7 huts egin ditu.

Aimar 2-7 egon da markagailuan baina gauzatutako 4 sake, tanto batzuk eta aurkariaren akats direla medio, ez du nagusitasuna galdu eta garaipena lortu du.