OLAIZOLA II.A ETA ZEARRA EZINEAN GONZALEZ ETA BARRIOLAREN MAKINAREN AURREAN

2019/03/22

Olaizola II.ak eta Zearrak aukera gutxi izan dute gaur Labriten garaitu ezinak ziruditen Gonzalez eta Barriolaren kontra eta 11-22 galdu dute.
Asegarcekoek zulo gabeko aurkariak euki dituzte aurrean eta nahiz eta txapeldunak zortzi tantu eskuratu ez da nahikoa izan partiduari aurre egiteko. Zearra txukun aritu da bere tokian baina partiduaren zati gehienean Barriolaren bizkarra euki du aurrean.
Barriola izan da partiduaren onena. Leitzarrak airea kendu dio Olaizolari, pilota baztertu dio Zearrari eta ez du huts bakar bat egin.
Gonzalezek, ohi egin duenaren alderantziz, 2 huts baino ez ditu egin eta Abelen nagusitasunari esker aukera guztiak aprobetxatu ditu.