OLAIZOLA II.A ETA XALAK ANTZEKO PILOTAK BEREIZTU DITUZTE

22/03/2019

Olaizola II.a eta Xalak pareko pilotak aukeratu dituzte gaur eguerdian Donostiako Atano III.a pilotalekuan datorren igandean izango den Buruz Buruko txapelketako finalerdirako.

Olaizola II.ak 106 eta 105,5 gramotako pilotak hautatu ditu eta Xalak 106,1 eta 105,6 gramotakoak, horietako bat larrua bueltakoa dela.
Bi aukeraketak irteera duten pilotek osatzen dute eta bi pilotariak pozik agertu dira aurkeztutako materialarekin. Pilotak hautatzerakoan Xala izan da azkarren ibili dena jende asko eta makina bat kazetari bertan zela.

Olaizola II.ak pilota politak aurkitu dituela esan du eta inolako kexarik ez du azaldu. Aukeraketa bukatu ostean entrenamendu saio txiki bat -15 minutu- gauzatu du Julian Retegirekin batera, sake batzu eta zenbait pilotakada landuz.

Bitxia Retegiren janzkera, nahiz eta takuak ipinita egon kaleko prakaz egin baitu aipatutako entrenamendua.