OLAIZOLA II.A ETA PEÑAGARIKANO, LEKEITIOKO SAN ANTOLIN TORNEOKO TXAPELDUNAK

2019-03-22

Olaizola II.a eta Peñagarikano Lekeitioko San Antolin Torneoko txapeldunak gertatu dira Berasaluze VIII.a eta Beginori 12-22 irabazi ondoren.
Aimar Torneoko pilotari onena izendatu du prentsak. Goizuetako pilotaria partidua bere gain hartzera etorri da Peñagarikano lagunduz eta lan asko eginez. Horretaz aparte, bere ohiko trebatasuna erakutsi du errematatzera sartu den bakoitzean.

Berasaluze VIII.ak ez du finalerdian hainbeste asmatu eta gainera aurkariaren mailak ere erabateko eragina izan du.
Peñagarikanok partida ona jokatu du, seguru eta lan handia eginez.
Beginok tarteka erakutsi du bere joa baita huts batzuk egin ere.