OLAIZOLA II.A ETA PATXI RUIZ ANDRA MARI ZURIA TORNEOKO FINALERA

2019-03-22

Gasteizko Andra Mari Zuria torneoko finalak badauzka protagonistak. Titin III.a eta Paskualek Olaizola II.a eta Patxi Ruizen aurka neurtuko dituzte indarrak azken hauek Xala eta Lasa III.a 22 eta 21 mende hartu ostean.

Partidu gogorra oso izan da, ordu eta erdi baino gehiago egon dira kantxan, eta markagailuan gorabehera askotarikoa. Garaipena lortzeko orduan Patxi Ruiz aipatu behar da. Lizarrakoak oso partida betea jokatu du eta leku guztietan izan da.

Aspeko bikoteak aldiz gogor eutsi dio lehiari eta porrota garesti samar eskaini du.
Lasa III.ak partidu bikaina jokatu du eta fisikoki ez du inolako zulorik azaldu. Xalak berriz, tantu polit sorta bat eskaini du eta batez ere boleaz egindako jokaldiak azpimarratzekoak izan dira.

Olaizola II.ak bizkarreko minaz ibili da eta ez da bere ohizko mailan aritu. Hala ere azken txanpan tantu erabakiorrak lortu ditu.