Olaizola II.a eta Ibai Zabalaren garaipena azken finalerdian

2019-03-22

Finalean sartzeari begira inolako eraginik izan ez arren, lau pilotariek erabateko profesionaltasuna erakutsi dute, eta publikoak hala estimatu du, partida bukatu orduko lau pilotariak  txaloka eta zutik agurtuz.
Txapelduna izan da protagonista garbia; Goizuetako aurrelariak 17 tanto gauzatu ditu jokalditan eta aurkariak tokiz kanpo eduki ditu partida osoan zehar.

Bere atzelariak ere, neurketa ederra egin du eta eusteaz gain, piloteoan sendo aritu da, pilotari abiadura emanez.
Urdinek 20-7 galtzen joan dira, eta azken txanpan Bengoetxea VI.ak lortutako tantoei esker, emaitza pixka bat txukundu dute.