Olaizola II.a eta Albisu finalera sailkatu dira

2019-05-09

Donostia Hiria Torneoaren finala osatua dugu dagoeneko. Olaizola II.ak eta Albisuk 22-7 menderatu dituzte Mtz. de Irujo eta Zabaleta eta ostiralean 22:15etatik aurrera Bengoetxea VI.a eta Zubietaren aurka jokatuko dute.

Garaipena erraza eta erosoa izan da Asegarceko bikotearentzat, izan ere, aurrealdean zein atzealdean, nagusitasuna garbia izan da. Nabarmentzekoa da, Ataungo pilotariak egin duen partida zoragarria; neurketa osoan Jon Anderrek bizkarra erakutsi dio Jose Javierri eta bi errebote lortu ditu.
Txapeldunak, berriro ere, bere kategoria erakutsi du eta Mtz. de Irujo alde batetik bestera mugitu du 7 tanto lortuz.