OLAIZOLA ETA OTXANDORENA FINALERDIETAN LEHENAK

2019-03-22

Asier Olaizola eta Iñaki Otxandorena EPELen binakako txapelketako finalerdietan dira dagoeneko Urdulizko pilotalekuan Gonzalez-Lasa III.a 22 eta 8 garbi mendean hartu ostean.
Asegarceko bikotea arras hobeagoa izan zen Aspekoa baino eta arlo guztietan nagusitasuna erakutsi zuen. Otxandorenak ohiko segurtasunaz aparte Iruñan atera zuen kolpea baino indartsuagoa eskeini zuen atzo Urdulizen. Olaizolak berriz, Gonzalez erabat menperatu zuen.

Bengoetxea VI.a eta Patxi Ruiz, presak itota

Oinatz Bengoetxeak eta Patxi Ruizek, presak hartuta, EPELen finalaurdenetako bigarren partiduan 22 eta 17 emaitzaz galdu zuten Gernikan Titin III. eta Paskualen aurrean .
Asegarcekoek premiak itota jokatu zuten eta huts batzu egin zituzten Titin III.ak eta Paskualek Azpeitian egin zuten aurreko partiduko errendimentua argi hobetu zuten bitartean. Titin III.a norgehiagokako onena izan zen eta 8 tantu lortu zituen.