OLAIZOLA ANAIEK ASEGARCEREKIN KONTRATUAK BERRITU DITUZTE

2019/03/22

Asier Olaizolak eta Aimar Olaizolak, egun eskuz banakako txapelduna, Asegarcerekin zeuzkaten kontratuak berritu dituzte lau eta sei urterako hurrenez hurren.
Asierrek hitzarmena 2009ko abendurarte zeukan sinatuta eta honela 2012ko abendurarte dauka berria.
Aimarrek aldiz, kontratua 2012ko abendurarte zuen, baina izenpetze honen bidez 2018rarte izanen du hitzarmena.

Bengoetxea VI.a, kexaka

Bi aukeraketa izan dira gaur; goizean Labriten eta arratsaldez Eibarren. Iruñeko pilotalekuan ez da inolako arazorik izan, are gehiago, bi pilotariok laudorioak bota dizkio elkarri. Patxi Eugik Olaizola.a banaka asko hobetu dela esan du baita aurkari arriskutsua dela erran ere. Asierrek aldiz Patxik hiru txapelen jabea izateak banaka pilotari aparta dela erakusten du garbi-garbi.
Pisuak honako hauek dira:
Eugi:103,9-105,1 g.
Olaizola I:107-105,5 g.

Eibarren ordea eztabaida sortu da materiala dela eta. Bengoetxa VI.a otarrean zegoenaz kexatsu azaldu da baita beraren gustoko pilotak ez dirala izan esan ere.
Hala eta guztiz ere, frontisetik gutxiago irten eta lurretik ondo ibiltzen diren larruak bereiztu ditu.
Txapeldunak ez du inongo pegarik ipini eta Oinatzenak baino azkarragoak omen diren pilotak hautatu ditu.
Pisuak
Olaizola II: 104,9 – 104,7g.
Bengoetxea VI: 104,5 – 103,8 g.